كيف تنضم الى التراس اهلوى او زملكاى

اولاالتراس اهلاوى  ثانيا التراس زمالكاوى

كيف تنضم الى التراس اهلوى-   كيف تنضم الى التراس زملكاوى-كيف تنضم الى جروب الالتراس-كيف تصبح عضو فى التراس الاهلى-كيف تصبح عضو فى التراس الزمالك-انضم الى التراس اهلوى-انضم الى التراس زملكاوى-رابطة مشجعى نادى الاهلى-رابطة مشجعى نادى الزمالك

ولا: التراس اهلاوى وكيف تنضم ليه

السلام عليكم ورحمه الله وبركاتة
طبعا فى البداية بنرحب بكل عضو جديد فى الجروب او اى زائر جديد للموقع ولسا مش عضو فى الجروب

الانضمام لجروب اولتراس اهلاوى بسيط جدا مش صعب ومش عملية كبيرة هيتلخص فى النقاط التالية ويا ريت الكل يركز فيها:

أولا : اى عضو جديدة فى الجروب لازم يعرف ان الاولتراس هى مجموعات تشجيعية تختلف عن فكر الروابط بمعنى ان الاولتراس لها مبادىء معينة ومحددة وتتلخص المبادىء الاساسية للاولتراس فى النقاط التالية

• التشجيع الدائم للفريق طوال المباراة بغض النظر عن النتيجة أو الأداء.
• عدم الجلوس أثناء المباراة
• حضور أكبر عدد من مباريات الفريق مهما بعدت المسافة أو زادت التكلفة.
• الانتماء التام للمجموعة و مكانها بالمدرجات.

هى دى مبادىء اولتراس اهلاوى وهى المبادىء اللى كل مجموعات العالم اتفقت عليها اما النقاط اللى بعد كدة ممكن تعرفها مع الوقت من الموقع او الاعضاء القدامى بعد انضمامك للجروب

ثانيا : التشجيع هو اهم نقطة خاصة بالالتراس وطبعا مينفعش تكون موجود فى المدرج من غير ما تكون حافظ الاغانى كلمات ولحن وطبعا كلها موجودة فى قسم الاغانى

ازاى تعمل اغنية جديدة

محدش دخل الجروب من غير ما تكون اغنية تالتة شمال عجبتة او جمهورة حماة او غيرها من الاغانى
طب ما تألف اغنية زى الاغانى دى
ممكن لية لا…اصل عمرك ما هتكون فرد اولتراس من غير ما تكون مبدع
لا يمكن تكون فرد عادى بيشجع وخلاص..لازم يكون ليك تأثير على غيرك ويكون ليك دور فى الجروب دة
ومن ضمن الوسائل اللى تخلى ليك دور انك تقدر تعمل اغنية
stop هنا بقى ونفكر ازاى نعمل الاغنية
مينفعش يكون فى تقليد فى اى اغنية يعنى من تالتة شمال بنهز جبال الاقى اغنية جديدة من تالتة شمال جمهورة حماة
طب فين الجديد
فين الريتم الجديد فين اللحن الجديد فين الكلمة الجديدة
كلمة زى تالتة شمال مختلفة عن جمهور حماة مختلفة عن فكرة ستين مليون مختلفة عن الليله خلاص هنحكى
كل اغنية تحس انها فكرة مختلفة عن اللى قبلها
حتى لو بعض الكلمات اتشابهت مع اغانى تانية بس الفكر ة الاساسية مختلفة او جديدة
طبيعى ان فية مجموعة من الكلمات مش بتخرج اغنية من غير ما تكون موجودة فيها
يا ريت ندور على الحان جديدة من دول مختلفة بعيد عن الالحان اللى اتغنت بالفعل فى مصر او حتى المغرب العربى
يا ريت الحان جديدة خالص وكلمات نفس الشىء

يبقى الخطوات ببساطة..هتفكر فى فكرة جديدة…يعنى مثلا فوز للاهلى او ممكن خسارة او موقف حصل للفريق او من الجمهور كان فية مساندة…او فكرة روح الفانلة الحمراء..او موقف من تاريخ النادى الاهلى..وتبتدى توصف الموقف او الفكرة بمجموعة كلمات جديدة
يعنى مثلا اغنية عمر لطفى…الفكرة عن شخص واحد كان حلمة هو كيان النادى الاهلى…وبالفعل الحلم اتحقق وجمهور الاهلى بقى بالملايين وانجازات الاهلى بقت فى كل مكان…هى دى الفكرة اللى بتكون عليها اغنيتك

اى حد يحب يبعت اغنية ممكن يبعتها على الايميل دة
uasongs@yahoo.com
ممكن تبعت الكلمات او لو عملت لحن ممكن ترفعة
على اى موقع وتبعت اللينك
وان شاء الله نشوف اغانى على المستوى

Songs

ثالثا: الانضمام والمشاركة الفعالة داخل المجموعة بتكون انك تتعرف على افراد مجموعتك ودة بيكون عن طريق الاجتماعات اللى بتتم للمناطق وعشان تعرف منطقتك ممكن تدخل على القسم دة وهتلاقى المسئول عن السيكشن وموجود ارقام الموبايلات ممكن تكلمهم وممكن تشوف اماكن ووقت التجمعات وطبعا دى بتنزل
على السايت
UA-07 Zones

رابعا : السؤال اللى الناس كلها بتسأل علية وانا تعمدت انة يكون اخر نقطة هو التى شيرت..التى شيرت مش من مبادىء الاولتراس واهميتة لا تذكر ممكن بعد ما تعمل كل اللى سبق وقولناه وقتها ممكن تجيب التى شيرت ودة بيكون من خلال مسئول السيكشن الخاص بيك اما فى الاجتماعات او قبل الماتشات وطبعا التى شيرت بينزل على السايت واماكن وتوقيت استلامة بردوا بتكون موجودة هنا
———–
بعض النقاط الهامة اللى نحب نوضحها لاى عضو جديدة:

اولتراس اهلاوى ليست هيئة تجارية تهدف للربح بمعنى ان المنتجات فقط لتغطية اعمال المجموعة وعلية زيادة دخل الجروب عن طريق فتح فروع لبيع هذة المنتجات ليست من سياسات الجروب او اى فكرة تجارية اخرى.

ألاولتراس تختلف فى افكارها عن الهوليجانز.الاولتراس هدفها الاساسى هو تشجيع فريقها اما الهوليجانز هى مجموعات أنشئت اساسا من اجل الشغب..اما الاولتراس لا تستخدم العنف الا فى الدفاع عن نفسها..العين بالعين والسن بالسن

اولتراس اهلاوى ليس لها اى سيكشن خارج القاهرة بل اعضاء منتمين للمجموعة مثل اى عضو والقسم الخاص بهم مثل اى منطقة موجودة داخل القاهرة ولكن لا يوجد لهم بانر او اسم منفصل

الانتماء لمكان المجموعة ( الكورفا ) او التالتة شمال من مبادىء الجروب والاولتراس ولا يمكن تعديلة بأى شكل اى التنازل عنة مهما كان

اى تفاصيل خاصة بالاجتماعات لا يتم مناقشتها على الموقع تحت اى ظرف

وجودك داخل المجموعة وحضور المباريات ليس كافى لكى تكون فرد اولتراس حقيقى ومؤثر وعلية ممكن تشارك فى افكار الدخلات وهتعرف التفاصيل من الموضوع دة
افكار الدخلات

افكر ازاى فى داخلة ؟

وانت فى البيت فى المدرسة فى الجامعة فى الشغل اكيد بتسرح فى الدخلات وازاى بتتنفذ بالشكل ده ونفسك تتعلم ونفسك تفكر وتجيب انت فكرة داخلة ينفذها الجروب

فى خطوات لازم تاخدها عشان تفكر تفكير صحيح وتقدر تقدم فكرة داخلة كويسه

اولا : حدد الموضوع اللى بتدور عليه فكرة الداخله …. الماتش اللى هتتعمل فىه الداخلة وظروفه ومناسبته هتفرق معاك اوى …..من الاخر انت عايز توصل للناس واللاعيبة وكل من فى الملعب ايه…عايزهم يفهموا ايه

ثانيا : تبدا تختار الطريقه المناسبة اللى توصل بيها فكرتك دى
يا ترى هتعمل كوريو جلاد؟ هتعمل تيفو ؟شرايط ؟ ولا حاجه تانيه خالص انت ممكن تبتدعها

ثالثا : بعد متختار الطريقه المناسبة اللى توصل بيها فكرتك تبدا تحط الموقف النهائى والصورة النهائية اللى هتظهر بيها الداخلة فى الاستاد
مثلا لو هتعمل تيفو تبدا تحط مشهد للتيفو يوصل فكرتك
تبدا تفكر يا ترى فى مسج يوصل الفكرة ولا هى مفهومه من الشكل النهائى

اما تبدا تفكر صح هتطلع فى الاول حاجات مش حلوه بعد مده حاجات مش بطاله بعد كده حاجات حلوة لحد متوصل ان الجروب يستعين بفكرتك فى عمل داخلة وده قمة النجاح

مستنى افكاركو ودخلاتكوا محدش يتكسف اى حادجه تفكر فيها ابعتهالى وهنتقابل وهنظبط كل حاجه مع بعض
مستنى الرجالة
ابعتولى الافكار على الميل بتاعى

abdoenho@gmail.com

او تفكر فى تصميم سنارة او تو ستيك او اى منتج من خلال الموضوع دة
قسم المنتجات

او ممكن تفكر فى اغنية عن طريق الموضوع دة
قسم الابداع
يجب عليك رسم 3 رسمات جرافيتى تعبيرنا على خبك للنادى الاهلى فى منطقتك انا بقلى اسبوع بجهز الجرافيتى وببتدى تخطيط المكان الى هرسموه فيها .

اتمنى ان الموضوع يكون شرح حاجات كتير الناس كانت بتسأل عنها

ثانيا

اولتراس وايت نايتس(Ultras White Knights)…

تريخ التأسيس:
17- 3 -2007
ولهذا الجروب اسمه
Ultras white knights 07

لوجو الجروب:

الباش الرسمى:

السكاشن الرسمية-Sections:
الاسكندرية – المحلة -الشرقية

التيشيرت الرسمى:

السويت شيرت

إضغط هنا لرؤية الصورة بحجمها الطبيعي.

الكوفيه

استيكرات
إضغط هنا لرؤية الصورة بحجمها الطبيعي.

الكورفا: كوفا سود(تالتة يمين):

الموقع الرسمى:
WwW.UWK07.NeT

قناة اليوتيوب: UWK Media

بعتذر عن المعلومات غير واضحة عن التراس الزمالك لانى اهلوى واعتقد انا الالتراس بنعتبركم اعداء لينا بس انا كسرت القاعدة ديه بس مشكلة

علشان التنافس يكون احسن

كيف تنضم الى التراس زملكاوى

كيف تنضم الى جروب الالتراس

كيف تصبح عضو فى التراس الاهلى

كيف تصبح عضو فى التراس الزمالك

انضم الى التراس اهلوى

انضم الى التراس زملكاوى

رابطة مشجعى نادى الاهلى

رابطة مشجعى نادى الزمالك